美麗戰場︳陳曉華捉姦反被丁子朗掌摑趕走 cut機後敷冰：塊臉腫咗同紅咗

無綫台慶劇《美麗戰場》昨晚（17日）上演令人睇到火滾情節，講到小美（陳曉華飾）一心為男友製造驚喜，回到家時竟然捉姦在床，撞破男友阿進（丁子朗飾）跟圓圓（關嘉敏飾）激吻，小美仍天真問：「你哋做咩吖？」最搞笑仲想扮冇事發生，阿進擺明是渣男，反過來幫小三出頭，連環掌摑了小美三大巴掌，貪心拿走代購的手錶後，才將爆喊小美趕出門口。

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

{{hket:inline-image name="facebook2022101811.jpg"}}{{/hket:inline-image}}

{{hket:inline-image name="TVB36.JPG"}}{{/hket:inline-image}}

陳曉華同丁子朗拍攝這場掌摑戲，觀眾看到的三大巴掌，其實現場她被男方打了十幾巴，停機後要即時敷冰消腫。陳曉華說：「我都係第一次拍劇咁樣畀人怒摑！拍時我情緒好激動，成個人都好熱。到cut咗機crew發現我塊臉原來腫咗、紅咗，自己一啲都冇發覺。（丁子朗有咩反應？）一cut機丁丁第一時間擁抱我同問我有冇事，我嗰吓作為拍檔覺得好窩心，佢有同理心，同佢拍嘢好放心。（講笑話要賠罪？）我都有刮親佢隻手，當無數啦！」

美麗戰場｜葉念琛為杜燕歌病發唔執藥解畫 2005年劇情出現2022年Banner點收科？【下一頁】

丁子朗透露他是第一次「打女人」，「好驚打親佢，佢塊臉好細，我一打就好易打親佢耳仔同埋對眼，所以要打得好準確。初頭我打咗幾吓，導演嫌唔夠逼真同大力，跟住再嚟多幾吓，打到佢塊臉紅咗，佢話第二日講嘢啲肌肉都仲痛，我都有啲心痛，因為真係打得幾大力。」

美麗戰場丨林景程演廣告Sales躁狂又鹹濕 與陳山聰對戲：外型氣勢都輸【下一頁】

網民對這場戲頗有意見，紛說︰「見到自己男朋友攬住第二個女仔喺張床嗰一刻嘅反應，係唔係大叫會好啲呢」、「佢為咗呢條仔已經斷六親，即係佢生命嘅全部，『你哋喺度做乜嘢呀？』呢個反應好似平淡咗」、「睇住個男人咁對另一個女人，點解仲信個男人會對自己係真心」、「佢為咗愛情而做到咁，真係點講都唔通」、「做女人做到佢咁，又cheap，又蠢，真係影衰晒我哋啲女人」及「這樣都還不分手，是頭壞掉了嗎」。

（↓點擊放大睇圖片↓）

被掌摑的陳曉華在IG略作解釋：「拍呢場戲之前，一直諗，到底action之後，係身體上嘅痛定係心理上嘅痛比例痛啲？原來當你擘大對眼，望住一個熟悉嘅面孔傷害你，會心痛到你唔知道身體發生緊咩事。好多人包括我自己都唔明白甚至唔會允許呢件事發生，但係林小美從來唔知愛情原來可以咁恐怖，唔明點解會咁，林小美嘅世界崩潰咗。好彩最後仲有你哋兩個（陳瀅、劉佩玥），仲有個地方可以畀自己匿埋。今日之後，小美會記得發生過咩事，會好好保護自己...小美裕進嘅故事仲有延續，敬請留意。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】