美麗戰場｜蔣家旻遭陳瀅篤胸驗身材真假 劉佩玥被批「樣衰」高EQ回應

無綫台慶劇《美麗戰場》自播出以來話題不斷，除了被指劇情老土、出現不少bug位外，陳瀅、蔣家旻、陳曉華與劉佩玥四位主要演員都各有負評。近日眾人現身後者主理的YouTube頻道，拍片逐一回應網友的負評。

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

第一題，眾人回應的就是蔣家旻的身材問題，網友問：「睇預告有個shot蔣家旻大到就跌出嚟咁，真波定鬼影波？」陳瀅、蔣家旻一臉疑惑問：「咩係鬼影波？」劉佩玥笑稱：「即係鬼影變幻球！」蔣家旻立即澄清：「我係真㗎！」之後陳瀅鬼馬篤她的心口「驗真身」。

{{hket:inline-image name="chiang.png"}}{{/hket:inline-image}}

有網友問劉佩玥「點解可以咁樣衰」，她沒有迴避問題，大笑然後回答：「個角色就係咁，同埋我個樣就係咁，冇得改變。我有好多個樣都好樣衰，好似鬧人個樣，劇入面我最唔顧形象…本身下巴已經兜同尖…keep住個靚樣你哋又話我唔識做戲，所以我就keep住咁樣衰，我係專業嘅演員！」

網民也批評陳曉華「雖然靚女但條頸好長」，她深感認同稱︰「我條頸真係好長！最近仲有啲頸痛，我個頭同條頸係成一直線。」劉佩玥指：「佢上鏡睇落會再長啲，但睇真人就唔覺，不如你練粗條頸。」

陳瀅再被網民插演技差，以及淨係識瞪大眼做戲。四位見到網民製圖即刻大笑，陳瀅為瞪大眼做戲解畫：「就係因為個角色，個女仔由好天真咩都唔識，到突然間發生咁震撼嘅事，佢反應唔到先會咁樣…應該唔會集集有呢個表情，放心。」

有網友指陳瀅未夠班爭視后，她立即澄清：「我從來冇講過想爭視后，我亦都唔鍾意有太多比較，大家可以冷靜啲！大家放心，我唔想爭。」

美麗戰場｜葉念琛為杜燕歌病發唔執藥解畫 2005年劇情出現2022年Banner點收科？【下一頁】

圖片來源：劉佩玥YouTube影片截圖

撰文：娛樂組