《深宵閃避球》帶隊謝票鄭伊健關心後輩全因羅文

鄭伊健主演的電影《深宵閃避球》現正上映，伊健日前帶領周家怡、陳海寧（Dee姐）及李靖筠等往戲院謝票，一日內答謝近千位觀眾支持，他們更帶上真實的閃避球送給觀眾。有觀眾問伊健為何堅持留港拍片，伊健認真答︰「大家都喺香港生活咗咁耐，呢幾年的確發生咗好多事。但我好鍾意電影同漫畫世界，電影應該抽離，唔應該將真實重演一次，我接到《深》片劇本時，覺得係呢個喇，我哋依家需要呢樣嘢。」

同場的年輕演員均大讚伊健是滿分的大哥哥，李靖筠說︰「伊健成日鼓勵我哋講多啲嘢，佢擔心自己搶咗fo，佢真係好錫我哋。」而Dee姐感性說︰「伊健真係好關心後輩，佢同我哋講，呢個精神係佢師傅羅文教佢，記住人哋對我哋嘅好，再同樣咁對人哋。」