宣布無約一身輕 麥明詩終可無顧慮拍拖

15年港姐冠軍麥明詩（Louisa），入行後機會不斷，三年前主動要求與無綫改簽一年一騷合約，並開始淡出幕前，專注在顧問公司任職。近日與無綫的七年合約正式完結的Louisa，昨日以自由身身份與沈殷怡（Shirley）出席米線連鎖店活動。她透露早前港姐決賽，TVB亦有邀請她出席，但因忙於工作而推辭了，她指現階段無意回歸幕前。

被問及現時感情狀況，Louisa甜笑謂︰「依家都有穩定嘅friend，其實反而阿媽比較急，（你帶咗呢個朋友見家長未？）又無咁快，我都有啲揀緊嘅。其實依家嘅心態比之前輕鬆咗，以前會擔心如果同異性喺街度畀人影到會點，但係依家覺得無憂無慮。」另外，沈殷怡於ViuTV劇集《野人老師》與MIRROR成員邱士縉（Stanley）演離婚夫妻，她表示合作相當愉快︰「佢好鍾意搞笑，為人幽默，不過有時埋位前太輕鬆，我差啲投入唔番角色。」

採訪︰Pauline

攝影︰林良明