RubberBand赴泰國錄音 泥鯭拒帶黃心穎同行

樂隊RubberBand昨日宣布出任豐澤牌代言人，記者會上即場播放廣告歌曲《這刻我們》，寄語大眾珍惜當下。四子表示歌曲靈感來自經典日本愛情動畫《相聚一刻》，主音繆浩昌（6號）表示︰「細個放學返到屋企，呢套卡通片喺黃金時間播，雖然唔明當中嘅愛情講乜，但就明白到相聚嘅重要性。」

此外，四子透露將於十月往泰國為新專輯錄音，預計專輯於明年推出。他們表示原定去日本錄音，但考慮疫情及防疫措施等因素，最後改往泰國，預計逗留11日。早前鼓手黎萬宏（泥鯭）被拍得與黃心穎拍拖放狗，女方及後更默認戀情，問泥鯭屆時會否帶心穎同行？他說︰「公司budget有限，我差啲要畀埋自己嗰份錢。（與心穎同居？）私生活唔講，珍惜相聚一刻。（心穎有意復出？）RubberBand嘅事我就答到，其他人嘅嘢我就答唔到啦。」

採訪、攝影︰Pauline