拍拖生活有時差 連詩雅暗示與陳家樂同居

陳家樂早前宣布求婚成功，將與連詩雅（Shiga）展開人生新一頁。準陳太昨日出席公開活動，言語間似暗示兩人正同居；但她直言兩人工作忙碌，過着有時差的拍拖生活。

連詩雅、栢天男、張達倫及陳欣妍等昨日到尖沙咀出席恐龍主題活動，由於現場近海兼風勢猛烈，令身穿短裙的Shiga多次被吹起裙子，顯得有點狼狽，她笑言幸好有穿打底褲。

Shiga成為準陳太後，工作接踵而來，她解釋︰「咁啱啫，暑假啱啱開始，商場多番啲活動，之前又有啲工作因為疫情而延期。」Shiga直言近年受疫情影響，社會氣氛較為沉重，幸最近生活逐漸重拾正軌。問她的拍拖生活是否亦回復正常？Shiga表示︰「佢（家樂）近日忙到無時間，佢返工我就喺屋企瞓覺，我開工時又輪到佢瞓覺，好似有時差咁。」言語間似暗示兩人正同居。Shiga又稱現時家樂正於內地工作，待他返港後才能安排雙方家長見面。

張達倫被囝囝「激死」

另外，同場的張達倫帶同四歲半兒子張凱碩出席活動，張達倫表示已為囝囝安排游水及欖球等暑期活動，但他「埋怨」道︰「我鍾意踢波，但個仔反而唔鍾意，真係激死。」張達倫稱之前在疫情期間，陪兒子在家上網課，但他笑言是慘痛經歷︰「真係差啲想脫離父子關係！我同太太都做唔到怪獸家長，盡可能喺玩同做功課之間拎個平衡。」

撰文︰Pauline

美術︰梁政敏