百佳50周年連串Chill驚喜 推限量禮品

唔經唔覺今年百佳已踏入50周年，黛安收到風，佢哋將有連串Chill驚喜及限量版禮品換購。例如聯乘著名壓鑄模型車製造商Majorette打造2款獨家限量版合金車，即日起易賞錢會員買滿$138，加$19.9即可換「百佳xMajorette 50周年」限量版合金貨車或輕型貨車1架；或本周五（24日）起，易賞錢會員買滿$138，加$19.9亦可換百佳50周年限量迷你購物車連5款暢銷自家品牌貨品微型配件。

百佳亦會推出獨家米奇老鼠郊遊用品，打造2套共14款遠足及露營必備法寶，如帳篷、折疊椅、雨傘等，又靚又實用。即日起至8月25日，易賞錢會員喺百佳買滿每$50可賺1個電子印花；周五、六、日買滿$250更可獲雙倍印花，儲齊印花就可以低至6折價錢換購喇。

此外，佢哋仲會推出50周年限量珍藏版禮券套裝及50周年珍藏版$50禮券等，同時會與各大品牌攜手推出限量產品，包括口罩、盒裝面紙、梳打水、健康飲品等，貨品有限，售完即止，要買就要快手喇。