林明禎闖樂壇 搵周國賢幫手

馬來西亞女神林明禎昨日到沙田出席代言飲品活動，吸引不少宅男到場應援。適逢今日是明禎32歲生日，大會送上蛋糕為女神預早慶祝。明禎上月首踏紅館舞台，為張敬軒（軒仔）的演唱會任嘉賓，二人合唱國語歌《只是太愛你》，獲觀眾好評。對於初試啼聲獲讚，她說︰「竟然有機會上紅館，覺得不可思議。（考慮做歌手？）我都想，希望有人聽我唱歌。（找軒仔幫手？）佢太忙，唔敢打搞佢，不過依家我都有收歌同揀歌，希望今年內有自己嘅作品同大家見面。」

問到跟哪位音人樂合作，明禎透露日前與電影《一秒拳王》拍檔、樂隊ToNick主音趙善恆及周國賢擔任節目嘉賓，彼此談及音樂計劃，「我哋會一齊crossover出歌。（出情歌？）呢個唔講得，總之畀到大家開心嘅歌。（想做跳唱歌手？）我跳舞唔得，不過都可以學，自己想挑戰下，跳少少令大家開心。」

採訪︰Steven