新劇演劉心悠奶奶 郭羡妮自爆有床戲

郭羡妮（Sonija）、劉心悠、蘇志威及栢天男等昨日出席ViuTV原創劇《冥冥之中》記者會，近年鮮有拍港劇的Sonija，在劇中擁有長生不老的能力，並透露與潘燦良有床戲；而飾演Sonija新抱的劉心悠，則自爆要挑戰開真槍，但她竟笑言開槍比床戲更難。

《冥冥之中》下周一首播，郭羡妮昨日出席記者會時表示，今次拍劇甚具新鮮感，因為自己與劉心悠及部分演員都是首次合作，幸好大家一拍即合；雖然Sonija近年主力照顧家庭，但她直言以輕鬆心情開工︰「因為拍慣咗戲，大家都唔使特別去混熟，好自然就夾到，拍嘅時候都好順利。」不過，身旁的心悠憶述自己第一天開工時十分緊張，「我有好多複雜情緒，要對住佢（Sonija）流眼淚，好驚自己甩對白會影響其他人。」

Sonija又自爆在劇中與潘燦良有床戲，引來全場起哄，她笑言︰「我哋有錫嘅，亦都有少少身體接觸，不過唔使家長指引，大家唔使嚇親；我同潘燦良喺劇中嗰種愛好深，係講感覺。」心悠就透露在劇中首次挑戰開真槍，她形容心情驚慌︰「開槍時真係好大聲，後座力又好大，導演唔畀我合埋眼，但做咗兩、三個take導演就收貨，可能佢心諗『做多幾次都係咁嘅效果』…我覺得開槍難過演床戲！」

蘇志威相隔17再拍劇

另外，有傳無綫為撼《冥》劇，臨時變陣推出《十八年後的終極告白2.0》，心悠認為觀眾有選擇是好事，Sonija亦表示︰「演員無得控制播放日期，我哋只要盡力演好角色，大家做多啲好作品出嚟，可以起到刺激作用。」至於相隔17年再拍劇的蘇志威，感嘆今次劇如人生，冥冥之中有安排，「本來草蜢喺世界各地做巡迴無停過，但因為疫情停咗落嚟，所以就可以接到呢個劇。」

採訪︰倪小珊

美術︰梁政敏