駕車過城隧爆胎險釀意外 林泳淘︰架車就嚟解體

林泳淘最近工作不斷，但她前日在IG大呻黑仔，原來她早前駕車駛經城隧時，發生恐怖爆胎事件，差點釀成交通意外。她在IG上載拖車照，以及磨到甩皮的車胎照片，寫道︰「一入到隧道口已經聽到架車有怪聲，到中段啲聲愈來愈大聲（好似就嚟要解體咁）。」她坦言十分驚慌，但因在隧道內行駛，不敢貿然停車檢查，「好翻騰咁行到尾段，隔籬綫嘅貨車同巴士司機經過都開始叫我停車…結果一停車，就見到我條胎已經消失咗。」

林泳淘大讚隧道公司極速到場處理，又說︰「架車咁爆胎又無失控，仲有咁多人提醒同幫忙，內心真係無限感恩！」她大呻最近十分黑仔，家中兩部車相繼有問題，老公的電話亦突然故障︰「真係一波未完一波又起，但係發生咁多事，最終人無事已經係最大嘅幸運！」