相隔6年再於無綫獻唱 林峯︰好似返咗娘家

林峯、江海迦（AGA）及應智越等昨日錄影《勁歌金曲》，重返娘家獻唱的林峯，對上一次在TVB唱歌已是六年前︰「其實有輕微緊張，不過見到幕後嘅熟人，感覺真係好似返咗娘家。」他透露此行有與無綫高層樂易玲見面，笑言兩人主要談及隔離政策，但暫未有拍劇計劃。提到他早前拍電影受傷，女兒有何表示？林峯說︰「慣咗每晚返到屋企，佢都指住我話『痛痛』，其實已經冧晒，就算幾辛苦都值得。」

另外，同場的AGA原定前年四月舉行處女紅館個唱，但當時受第一波疫情影響而告吹；AGA本於今年一月再開騷，又因第五波疫情而泡湯。對於兩度被取消個唱，AGA無奈道︰「會再入紙申請，但預計今年都唔會成事。（情緒係咪受影響？）我覺得好無奈同失望…但依家已經OK啦，之後順利開到演唱會嘅話，我一定會帶畀歌迷一個最好嘅騷。」

採訪︰Pauline

攝影︰林良明