24歲生日偶遇男神梁朝偉 「波波」黃婧靈激動曬合照

黃婧靈（波波）前日24歲生日，她昨日在社交平台po出多張慶生相，並寫道︰「多謝五湖四海朋友嘅宇宙量祝福，希望同我一齊嘅你哋會無時無刻感受到愛同歡樂，（我）一定會更加珍惜你哋。」

不過，相信最令波波興奮的，是在生日正日跟男神梁朝偉集郵。波波前日曬出合照，並憶述偶遇偉仔的經過，當時她興奮要求合照，偉仔不但大方答應，更祝她生日快樂。波波激動寫道︰「我原地窒息五分鐘加原地爆炸…曾經我話過我想被佢個十環打死，點知原來今日（前日）我係被佢四個字嘅『生日快樂』擊破，我昏迷咗兩個幾鐘，好正呀！」相中見偉仔搭着波波右臂，波波即笑謂︰「佢掂住我手臂！我唔沖涼啦！哈哈！」