入圍國際電影節競賽單元 《飯戲攻心》落實中秋上映

黃子華、鄧麗欣及張繼聰等主演的電影《飯戲攻心》，原定在今年賀歲檔上映，無奈戲院因第五波疫情下令關閉，電影被迫延期。不過，電影未上映就傳來好消息，除了入圍第24屆意大利烏甸尼遠東電影節競賽單元，同時獲提名競逐The Mulberry Award最佳劇本大獎，日前更落實於中秋檔期上映，可謂三喜臨門。

子華得悉消息後，興奮道︰「一直都覺得劇本勁！單靠幾場食飯戲就講到幾兄弟嘅愛情、親情同埋難以解決嘅問題，一套做到好癲嘅喜劇能夠同時營造出溫情感覺，難度相當之高。」對於電影入圍國際電影節，導演兼編劇陳詠燊大感開心︰「咁多年嚟都覺得喜劇好難寫，既要好笑又要言之有物，仲要包含情感喺入面，好難拿捏到平衡，所以今次以喜劇獲得評論界認同，真係特別開心同振奮。」