夥媽咪拍首飾廣告 李元元貪靚愛搽指甲油

李璨琛的三歲網紅女兒李元元（Lucy），日前與媽咪梁志瑩（Sophia）一齊拍攝周大福全新「Twosday」首飾系列廣告，當Sophia替女兒戴上首飾時，Lucy即手舞足蹈興奮不已，更急不及待對鏡頭擺出嘟嘴、單眼、扮兔仔等超萌甫士。Sophia笑說︰「阿女好鍾意扮靚，成日玩化粧玩具、搽指甲油等，啱啱見到色彩繽紛嘅獨角獸頸鏈，對眼即刻發晒光，全程戴住唔捨得除。」

至於《全民造星IV》參賽者葛綽瑤（Yoyo）與一同殺入20強的陳昭煊（超酸）則為品牌拍攝限量首飾硬照，同屬Team A的兩人感情深厚，拍攝當日更合拍地擺出優雅舞姿及心心手勢。