周勵淇爆歲半囝囝表演慾強

周勵淇（Niki）和林家棟昨日出席港台多媒體節目《新時代奮鬥者》綫上記者會，節目提供廣播、歌藝、舞藝及演技訓練平台和演出機會，助年輕人實現演藝夢想。身為客席導師的Niki和家棟獲節目校長倪秉郎送上雞毛掃，Niki笑言︰「係咪叫我哋唔好揸住雞毛當令箭？」家棟表示會專注教導學員操守，若開工看手機更是不可原諒︰「睇劇本做功課好重要，就算第二朝開05，都要熟讀劇本。」

Niki前年誕下兒子後，近日正式復出，她大爆現年一歲半的兒子獲廣告商邀請拍廣告，但她已婉拒：「個仔18歲前，我都有監管權唔畀佢出鏡，希望佢喺開心環境下成長，做普通嘅小朋友。（如果佢18歲前想呢？）叫佢諗下好喇！」囝囝可有遺傳父母的演戲細胞？Niki笑說︰「頭先我喺屋企化粧整頭，佢見到咁多人，搬咗十八般武藝出嚟，表演唱歌跳舞，可能佢少見人，太興奮。」