愛吃重口味食物 盧瀚霆自認跳舞笑得最Charm

男團MIRROR成員盧瀚霆（Anson Lo）人氣爆燈，工作排山倒海，雖然休息時間少了，但他每次表演都用盡全力。Anson Lo自認跳舞時最具魅力，笑得最有自信；但他大爆自己喜歡吃重口味的深色食物，既要美白牙齒，又不想戒口，認真矛盾。

日前盧瀚霆為牙膏產品拍攝造型照及短片，分別以型格黑白、浪漫粉紅及純白王子look登場。身為MIRROR的跳舞擔當，Anson Lo表示︰「我覺得自己跳舞嗰陣係最charm，因為笑得最有自信！」喜歡笑的Anson Lo，認為笑容可以感染身邊人，所以非常注重口腔護理，他說︰「其實我除咗髮型同身形之外，都要牙靚，尤其加入MIRROR之後要成日上鏡，接觸唔同嘅人，如果牙齒唔夠白同乾淨，就會好尷尬。」他更大爆自己喜歡吃重口味的深色食物，但同時想美白牙齒，所以更要嚴選口腔護理產品。

邱士縉與Serrini唯美談情

另一邊廂，MIRROR另一成員邱士縉（Stanley）最近擔任Serrini新歌《樹》MV的男主角，兩人在MV中有如韓劇般談情，Stanley更親吻Serrini額頭，畫面唯美。Serrini日前與Stanley開live，Serrini指Stanley太靚仔，忍不住將Stanley的靚仔cap圖，傳給對方女友李炘頤（Alina）及隊友李駿傑、呂爵安欣賞。而Stanley前晚亦上載MV花絮，坦言Serrini之前瘋狂力讚他，令他相當「淆底」︰「好彩團隊們拍得咁靚，連我都未見過呢個咁嘅我！」

撰文︰Pauline

美術︰梁政敏