感激吳君如教喊戲 呂爵安自評表現僅合格

在賀歲片《闔家辣》中，人氣男團MIRROR成員呂爵安（Edan）要演繹一場生意失敗、愧對父母而爆喊的內心戲。拍攝當日，雖然身兼監製及演員的吳君如不用開工，但亦專程到現場與Edan培養情緒，教Edan打開淚腺，最後二人成功爆喊，擁作一團。

順利完成拍攝後，Edan放下心頭大石說：「呢場戲畀我嘅壓力幾大，因為自己比較少喊同不開心，所以都擔心自己係咪做到…我唔係第一次拍情緒戲，《大叔的愛》都有拍過，當時對我嚟講係唔合格，但經過今次拍攝學識咗好多…我畀自己四、五分啦，勉強合格！」Edan又感激「姑媽」吳君如細心的教導：「前一日君如已經話嚟幫我，叫我朝早空肚飲啲酒，的確放鬆咗啲…佢教我點呼吸，點處理情緒，我盡咗力，君如都收貨，我相信應該合格。」