自爆學跳舞認識老公 湯怡唔覺麥秋成係大男人

湯怡最近與吳卓羲合作的電影《致命24小時》因疫情押後上映，幸好湯怡心情未受影響，前日在IG與網民大玩「你問我答」。有網民問湯怡怎樣認識老公麥秋成？湯怡上載麥秋成正在教三個女生跳舞的照片，原來她是學跳舞時認識老公。

另外，有網民指麥秋成自認大男人，問湯怡是否認同？她笑言︰「佢認過咩？我都唔知，不過我一啲都唔覺，佢脾氣好之餘仲非常就得我，諗唔到邊忽大男人。」但她忍不住大爆老公的壞習慣，「（老公）三、四點都唔瞓，我呢啲養生type真係睬佢都傻，不過呢個壞習慣係之前，除咗做嘢之外，佢依家一點鐘就瞓覺。」