大埔Coffee Shop 自家烘焙咖啡豆

這間位於大埔村屋的Coffee shop，採用上居下舖形式，這裏主要售賣咖啡豆，店主Ban亦會為專誠前來的客人提供有質素的手沖咖啡。客人在這裏可以邊歎咖啡，邊賞店內黑白攝影作品，很寫意呢！

烘焙咖啡風尚多年前已形成，甚至有咖啡達人成立自家烘焙咖啡豆品牌，各有自己的個性風味。從事建築行業20多年的Ban，愛上烘焙咖啡並毅然開店，主要是跟自己另一嗜好──攝影，有很大關係。「我覺得咖啡豆烘焙跟黑白攝影兩樣嘢有9成相似，由生豆變成熟豆嘅過程，就好似影入一張菲林，再沖一筒菲林。而沖咖啡嘅部分，十足十我由菲林底片變成一張相紙，所有嘢可以控制到、改變到，例如反差、曝光……就好似控制同改變咖啡豆出嚟嘅味道咁，所以會令我着迷。」

咖啡才是主角

他定義這間店是Coffee shop，雖然也供應美食，但咖啡才是重點。「我很希望可以將精品咖啡普及化。」談到這裏的咖啡豆，Ban表示大部份選取中美洲及非洲的咖啡生豆，由低至中高檔都會有。「去年6月我哋同飛龍咖啡合作，在國際拍賣會上成功投得一支我哋非常喜歡嘅咖啡豆──來自危地馬拉嘅艾茵赫特莊園，呢個莊園已經超過有一百年歷史。另外，我哋大部份都係Filter coffee，多數用嚟手沖用嘅，但係開始用嚟製作SOE─意式咖啡嘅基低（Expresso)。」

小店的裝修走簡約路綫，營造輕鬆舒適的氣氛之外，Ban更着重可以在店內放更多不同攝影朋友的傳統黑白攝影作品，「我覺得係類似一個Gallery，但唔限於相片，日後可能會轉為繪畫或其他作品。」除了嘗啡賞作品，Ban更樂意跟客人分享及交流咖啡心得，享受一趟獨特的咖啡時光。

撰文：Simon

攝影：Alma、受訪者提供

美術：梁政敏