新片回應收緊防疫政策 蘇施黃︰政府對付緊我哋

政府前日宣布收緊防疫政策，包括晚市禁堂食、戲院及健身室等表列處所關閉14日等。蘇施黃（阿蘇）前日於自家YouTube頻道拍片，以「親愛的香港政府…你是否在等所有疫情完全消失呀？」為題，分享再次收緊防疫政策的感受。阿蘇直言以往甚少公開討論政府政策，但這次十分苦惱，「我有少少感覺佢（政府）唔係對付緊疫情，係對付緊我哋！」

阿蘇埋怨政府指︰「全世界都未諗到有咩藥物對付變化萬千嘅疫情，事實證明打針已經防唔到Omicron啦，仲強調打針做乜鬼？根本就無用，打針都會中！」她又形容政府政策毫無遠見及計劃，嘆高官不體恤基層市民，「既然病毒弱咗啲，唔入肺，只係流鼻水咁，政府走去閂晒所有嘢，我想理解下（市民）點生存呢？」