《愛上我的衰神》下周一首播 鄭子誠首度反串扮師奶

無綫新劇《愛上我的衰神》將接棒《拳王》，於下周一晚上九點半首播。《衰神》只有短短十集，但驚喜十足，「陰謀情人」鄭子誠首度反串演出，先後扮演「鬈髮師奶」、「揼心阿婆」及「頹廢學生哥」等，單看宣傳照已覺新奇有趣。

問鄭子誠為何願意作出如此大犧牲，他笑言︰「我覺得成件事幾有趣，純粹搞笑，個故仔又非現實，咪豁出去試下；同埋因為啲造型特別醜，我更加無咁緊張，如果要我扮靚女，我就真係唔OK喇！」鄭子誠又透露，單試造型已花了大半天時間︰「因為扮女人要有胸，佢哋畀咗啲bra我試，一係就唔啱戴，啱戴嗰啲又無效果。我哋試過塞兩個橙落去，但又好核突。」