婚後暫未打算生B 蔡穎恩拍親熱戲不備案

剛新婚的蔡穎恩（Evelyn）前晚穿上性感吊帶裙出席短片放映會，她直言結婚前後都非常忙碌，加上早前加入新公司，各方面都是新開始。問Evelyn婚後有否生B計劃？她笑言︰「睇我今晚（前晚）着呢條裙都知，暫時仲未有嘅；其實有啲嘢可以控制到，始終結婚之後同老公都各有各嘅計劃，暫時都應該唔使諗生BB。」

Evelyn無奈表示因疫情而未能到外地度蜜月，原本打算staycation慶祝，但亦因老公工作太忙而無法成事。她笑言︰「既然都唔可以出去，我就要努力搵錢，因為今年係結婚之後第一次派利是，往年都要派五位數字，今年預計要派六位數。」問做人妻後拍親熱戲會否受到限制？Evelyn坦言暫未與老公討論這個話題，但笑謂待老公不在港的時候，或待電影上映後才讓他知道。