關楓馨爆父女檔表演身不由己

《2021香港小姐競選》12位佳麗昨日登上遊艇宣傳，決賽將於本月12日舉行。關禮傑愛女④關楓馨透露已全面戒鹽及戒糖︰「我味蕾都習慣咗，食到鹹嘅嘢反而仲難受。」

問及現時狀態是否比準決賽時更加瘦，關楓馨回應︰「我無上磅，但的確瘦咗一個碼，衫都鬆咗。」提到她在準決賽與父親關禮傑拍檔表演彈琴惹非議，問決賽時會再次父女檔上台？她說：「唔會，上次呢個想法（父女檔）係大會提議，唔係我諗。」