做囡囡「伴讀書僮」 羅子溢獲讚靚仔爸爸

羅子溢（前名羅仲謙）有女萬事足，經常在社交網分享一歲女兒羅翊心（小珍珠）的靚相，變成「曬女狂魔」。羅子溢不用工作時，必定陪伴妻子楊茜堯（前名楊怡）及囡囡，前日他陪囡囡睇圖書，實行天倫樂；只見小珍珠對書中的圖畫甚有興趣，全神貫注睇到實，羅子溢則讓囡囡自己揭圖書。

羅子溢留言說：「心心最鍾意聽音樂同睇書，依家可以同囡囡一齊聽歌仔、睇書仔，裏面有好多精彩嘅親子互動內容，等我地喺囡囡嘅成長過程中，可以一齊學習一齊遊戲！」網民均讚小珍珠愈大愈靚女，更有不少人錯重點，激讚羅子溢指「呢位爸爸會唔會太靚仔」、「當了爸爸依然那麼帥」。