預告想開Talk Show 黎明林日曦自封「初代大叔的愛」

黎明（Leon）前晚請來好友林日曦擔任第三場個場嘉賓，兩人在台上大爆金句，Leon更重演邀請對方任嘉賓時的電話對談，Leon說︰「你知嘉賓好似香檳咁，唔飲無問題，飲咗更加high。」林日曦答︰「做嘉賓無問題，有無酬勞？因為酬勞好似香檳咁，有都得，無就更佳！」兩人一問一答大放笑彈，Leon更在林日曦鼓勵下，直言明年想舉行名為「夏日傾偈」的talk show，全場歡呼。

Leon之後邀請林日曦唱歌，林日曦笑言自己會走音，Leon即說︰「走音無問題，睇下你揀邊首歌？」林日曦表示︰「揀歌同揀朋友一樣，最緊要真心。我睇番我哋之前拍廣告，踩單車嗰次都算係『初代大叔的愛』，所以揀咗一首你嘅舊歌，你畀隻手我。」兩人隨即手拖手合唱《但願不只是朋友》，更不時情深對望，掀起全場高潮。