怕兒子孤獨 陳山聰有意追多個

陳山聰昨日擔任電台節目《一家大晒》的嘉賓，大談初為人父的感受。兒子Jaco將近一歲，山聰形容這段時間過得特別快，但對兒子出生那一天依然印象深刻︰「第一下見到個仔真係好難忘，當時不停流眼淚，連麻醉師都笑我『原來陳生你平時拍戲啲眼淚都係真』，反而我太太就好冷靜。」

對於即將迎接人生首個父親節，山聰形容日子意義重大，所以已訂了餐廳簡單慶祝。他同時表達對兒子的期盼，「我希望Jaco能夠成為一個充滿正能量，快樂又頂天立地嘅男子漢，咁就夠喇！」節目中，山聰又透露有意「追多個」的計劃︰「未有Jaco之前會覺得一個就夠，但Jaco出世之後，想法就有咗改變。我自己有好多兄弟姊妹，感情都好好，諗到如果Jaco係獨生，將來我同太太百年歸老，佢好似會好孤獨，所以依家都有想生多個嘅諗法！」