馮盈盈茹素嚇走食肉獸

馮盈盈昨日出席宣傳活動，提到劇集《逆天奇案》下周五（11日）播映大結局，原來當日是盈盈的27歲農曆生日，前一天則是她的西曆生日，所以覺得甚有意義。盈盈自爆不少人約她食生日飯︰「不過一個幾月前我開始轉食素，所以辛苦屋企人陪我一齊食。自從食素之後，我覺得心境平和咗，七情六慾都無咗，以前覺得自己好hyper，但係依家唔同晒，講嘢都細聲咗。」她揚言決定茹素，可能因而少了異性約會︰「唔會趕走素食者，但會嚇走食肉獸！」

另外，盈盈早前參演《好聲好戲》獲好評，更有份聲演本周日播放的西片《侏羅紀世界》。盈盈說︰「配外語片難度好高，聽住英文講中文，好易混淆，NG咗好多次，好彩有老師指點，最後用咗兩個幾鐘就完成。」