林德信 搵林子祥扮自己

林德信（Alex）日前接受香港開電視專訪，大談花了三年時間炮製新歌《愛沒有理由》的感受。Alex笑言︰「好多電影都係用三年時間製作，而我哋就用三年製作新歌同一段五分鐘嘅MV，哈哈！」

談及新歌MV找來父親林子祥（阿Lam）客串演出，Alex亦解釋箇中原因︰「當初導演同我嘅團隊提出搵daddy嘅時候，我係有少少抗拒，因為擔心人哋嘅睇法！寫呢個故事嘅時候，我嘅構思係要將男主角變老，雖然化粧師話可以幫我化老粧，但拍攝時間就會延長咗，之後佢哋又話不如嘗試搵演員，搵一個似我老咗嘅樣，但又擔心搵唔到合適嘅人，所以大家都諗到，搵daddy客串最合理！」Alex大爆阿Lam起初不想答應演出︰「我都用咗好長時間同daddy傾，嗰陣我約過佢三、四次食飯，每次同佢傾少少，慶幸佢都理解到我嘅構思。」