葉翠翠經歷6次抑鬱 唔敢再生B

葉翠翠、向海嵐等歷屆港姐前晚錄影綜藝節目《開心大綜藝》，已是三子之母的翠翠最近減肥成功，狀態大勇，不過她坦言三次懷孕期間，令她經歷多次抑鬱，所以她不會再追第四胎生個女兒，以免身體難以應付。

一眾歷屆港姐前晚分享參選港姐時的秘聞，05年冠軍葉翠翠帶大仔及二仔現身，身材fit爆的她笑言心情緊張：「大會安排我坐喺兩位近代港姐中間，我個頭同身形都闊過佢哋一倍，上鏡有啲擔心。我都生咗三個，雖然最近減咗15磅，始終踏入『四』字頭，無得揮，要行埋一邊。」提到選港姐趣聞，她笑說：「着泳衣唔可以加pad，呢啲都唔係咩秘密，因為每次出場前，都有保母check我哋有無加嘢。」

湊仔如打仗

提到翠翠有三個兒子，可會追第四胎生個女兒？她即怕怕說：「唔會，我真係好驚，驚無命呀！湊三個好辛苦，無晒自己時間，換片、食飯好似打仗咁，我又放唔低幾個仔畀工人照顧，如果平時我出嚟做嘢，我先生就要請假留喺屋企照顧三個仔。」她坦言生BB令她情緒起伏大：「產前抑鬱都未搞掂，又嚟產後抑鬱，前後經歷咗六次抑鬱，後來靠做運動令到自己走出唔好嘅情緒。我唔係唔鍾意小朋友，只係我身體已經handle唔到喇。」

採訪︰Pauline

攝影︰林良明

美術：梁政敏