黎諾懿自揭曾戀「林志玲」

黎諾懿、陳敏之近日為邵氏製作的《Master's Talk師父有請》任嘉賓，諾懿現時的好爸爸及好老公形象深入民心，被問到過往可有追求《舞動奇跡3》的內地女拍檔金晨，諾懿聞言即說︰「佢（金晨）當時得18歲太細個，你當我禽獸呀？我唔係呢啲咁嘅人！」

諾懿為轉移視綫，竟推說曾發展台灣異地戀，但不肯透露對方是誰，只以「林志玲」稱呼前度。他說︰「所有嘢都好完美，但佢唔舒服都得個電話（聯絡），我接受唔到，我唔係黐身，係想拎樣嘢畀你都唔得！講電話又要夾時間，長期要買機票，所以只係維持咗半年。」另外，陳敏之曾拜日本樂壇教父小室哲哉為師，可惜最終未能在日本娛樂圈發展，敏之乘機澄清︰「佢公司突然營運有問題，其實無諗過去日本發展，純粹諗住可以喺香港出碟。我覺得無蝕底都算賺咗經驗，當時公司安排好多訓練畀我哋。」