陳志雲爆無綫搶ViuTV頭啖湯 邀Eason任綜藝直播嘉賓

陳志雲昨日在其個人頻道上載一條短片，大爆TVB為省靚招牌，成功邀請到陳奕迅（Eason）上大型綜藝直播節目《開心大綜藝》擔任頭炮表演嘉賓。

陳志雲在短片中表示︰「個節目第一集會喺4月11日（星期日）晚上8點直播，睇嚟TVB真係好重視ViuTV，因為我收到消息，其實ViuTV一早已成功邀請到陳奕迅，帶領一眾歌手參與ViuTV第一屆舉辦的音樂頒獎典禮，會有一項演出。」由於ViuTV音樂頒獎禮於18日播出，故陳志雲指︰「TVB又要搶飲頭啖湯，唔知道ViuTV收到呢個未？但如果消息係真嘅話，我建議ViuTV請另外一位嘉賓，一來無謂重複TVB所做嘅，二來喺呢啲國際大事、風高浪急嘅時候，無必要為咗一個演出而拖入一啲國際政治漩渦當中。呢個風險就由得TVB嚟承受吧，佢哋承受得起嘅。」