蘇民峰靠慘箍實愛人30年

堪輿學家蘇民峰日前應邀上阮小儀主持的《小儀與13型男》節目，擔任小儀約會對象。蘇民峰甫出場即被小儀嫌棄：「唔係嘛，點解呀？話明係成熟型男，點解會係你呀？」蘇民峰即反駁她︰「我熟到爛，不過型唔型，就見仁見智。」場面惹笑。鮮有談論感情生活的蘇民峰，大方談及拍拖30年的愛人Lilian，他說︰「我唔係成熟，但我好現實，同我一齊會有安全感，以前窮得滯，啲女人嫌我窮，直到我呢個『愛人』，我窮都唔嫌棄我，第一餐同佢喺台灣飲茶，係佢埋單，因為佢驚我無錢畀，佢第一次嚟香港，佢買嘢送畀我，我都無買嘢送畀佢。」

問到蘇民峰憑甚麼成功「鎖住」Lilian？他笑說︰「我都問過佢（Lilian）鍾意我咩，佢話覺得我可憐喎，由憐生愛。佢嗰時鍾意我係因為我醒目，仲有係因為我個人好玩，有邊個男朋友每日會同對方蒲天光，再行彌敦道返屋企吖。」