同導演「講數」拒太太被睇蝕 鄧健泓自認大男人︰我有底綫

鄧健泓（Patrick）日前接受阮小儀主持的《小儀與13型男》訪問，他在節目中自認大男人，除了每次家庭聚會都會主動埋單之外，更不會讓太太石詠莉穿着性感衣裳展露人前。

鄧健泓擔任小儀的約會對象期間，小儀並不覺得他大男人，笑言她眼中的金剛才是「大男人」，但Patrick說︰「我對住另一半嘅時候，相信自己係head住對方，我會為捍衛自己一啲堅持、原則及底綫，發揮最大男人嘅氣概。」

Patrick在節目中不時提及太太石詠莉，他自爆與太太相識的第一晚，對方已為他按摩︰「佢係美容師，相識第一晚同我手部按摩，適逢夜晚又浪漫，感覺好舒服，一舒服就舒服咗八年。」而他更大讚太太性格溫馴︰「我有好多朋友都話，佢有齊我歷任女朋友嘅優點集於一身。」問Patrick會否介意另一半打扮性感？他毫不猶豫表示︰「非常介意。試過有個節目想佢着性感晚裝，但之前已經講好咗我哋唔做呢啲嘢，衫要睇過晒先着，點知佢哋嗰邊無畀我哋睇，到現場畀咗幾件Deep V晚裝我太太，於是我話sorry，我哋唔會着性感衫，之後同個導演溝通完之後，大家都明白，最終唔使着。」

家姐埋單感動到喊

基於大男人性格，Patrick每次家庭聚會都負責「食飯埋單」角色，不過有次例外，「以往家庭聚會都係我畀，呢個習慣嚟，不過有次同大家姐食飯，佢去埋單，佢話『唔駛喇，等我嚟，你都畀咗好多年！』我呆咗，唔識反應，然後自己入咗廁所喊，其實我都好想有人錫。」Patrick說起也不禁雙眼通紅。

撰文︰倪小珊

美術︰梁政敏