激似木村惹網民反感張繼聰高EQ反擊

張繼聰因被寶貝女張靖嫌棄鬍鬚「太拮」，不讓爸爸錫面，阿聰把心一橫，將留了多時的鬍鬚剃掉，加上轉了新髮型，令他突然激似日本萬人迷木村拓哉，更被網民瘋狂改名「木村聰」、「木村繼聰」。阿聰對於能夠變身成兒時偶像亦樂此不彼，將自己拍得像木村的相片上載到社交網。

前日，阿聰駕車到停車場泊車時，即場「木村繼聰」上身，自拍一張得戚相放上社交網。不過此舉卻引來網民直斥︰「唔知你係真傻定假癡，定係真係好鍾意木村，定可能你做自己唔係『參考』木村，真心對你越嚟越反感！」事後阿聰回覆該網民，感謝對方的坦白︰「我係好鍾意木村，不過亦都係做緊自己，你覺得我做啲咩令你反感？」阿聰自言無論做甚麼，都會有人喜歡或不喜歡，所以他選擇過自己喜歡的生活：「好多人覺得我係點都好，我都人到中年，唔理㗎啦！」不少人大讚他EQ高。