爆奧運村派避孕套？小方後悔只顧游水無媾女

方力申日前應邀為組合廿四味的YouTube節目《24/7 TALK》擔任嘉賓，他在2000年悉尼奧運刷新200米背泳及400米個人混合泳兩項香港記錄，至今仍未被打破，當年入住選手村的小方聽過坊間傳言︰「成日話派幾十萬個安全套，但我一個都見唔到，無派過畀我。同埋又有傳言話如果女運動員之前一晚做嗰件事，會幫助到比賽表現，唔知真假，我就覺得係假嘞。」

小方亦遺憾自己年輕時只顧游水而沒有結識女生，他說︰「我最蠢就係16歲到廿幾歲時，有七、八年無拍拖，因為太專注游水，對所有異性無任何遐想，係最錯嘅事。（傳你媾女好犀利？）無咁嘅事，啲人攞我過橋。」