全民走塑｜港男買外賣加$3購餐具收「2支嘢」 網民譁然：賣餐具仲好揾

政府上周一（22日）起實施首階段「走塑」措施，禁止堂食及外賣提供膠叉、膠刀丶膠匙、膠飲管、膠攪拌棒及所有發泡膠餐具，市民需加錢購買替代餐具。不過自措施實行以來，不少人都抱怨替代餐具質素奇差，日前就有港男分享特別經歷，指自己落單時加購餐具，惟打開包裝後竟發現裡面只有「2支嘢」，令他啼笑皆非。

同場加映：

Sick問識答｜癌症患者放射治療新希望？醫生拆解質子治療原理+4大優勢

{{hket:ul-video id="10519"}}{{/hket:ul-video}}

事主周日（28日）在facebook群組「將軍澳主場」發文，表示自己買外賣時以3元加購1份餐具，然而打開外賣後，卻發現餐具只有2支雪條棍，感到相當無奈。

從外賣單可見，事主購買的食品包括「忌廉濃湯火腿通粉」、「吉列魚柳餐」、「沙嗲牛肉出前一丁」等，亦有購買飲品。正常情況下，他將會需要叉、筷子及湯匙用餐，但到頭來卻只收到疑似用作攪拌飲品的雪條棍，其他相應餐具完全欠奉，因此忍不住大呻：

我加錢要餐具，都唔係俾對雪條棍我食麵啩。

事主指自己之後亦有嘗試致電餐廳詢問情況，然而對方堅稱「冇俾錯餐具」，令他感到哭笑不得。

帖文發布後吸引不少網民留言，紛紛指該餐廳「搵客笨」，有人笑言「大快活2蚊已經買到一套不鏽鋼餐具，呢檔3蚊賣兩枝雪條棍擺明昆你」、「睇嚟賣餐具仲好揾」，事主則回覆「我俾錢要餐具都係想要飲筒啫，點知咁驚喜」。