教會重逢 陳少霞讚馬浚偉有書卷氣

前藝人陳少霞為馬浚偉主持的節目《緣來自咖啡2》擔任嘉賓，兩人在98年劇集《鹿鼎記》合作後，便鮮有聯絡，直至近年在教會重逢，彼此才重新認識。馬仔說︰「見到佢（陳少霞）有新開始、新生活，戥佢高興，人生路上經歷好多考驗，難得仲保持樂觀性格，對生活充滿希望同喜樂，但願大家都能感受佢嘅能量，正能量唔係講出嚟，係做出嚟嘅。」

現年44歲的陳少霞再婚嫁「法拉利之父」李文輝後，甚少出席公開活動，不過她仍關注好友動向，笑指現在的馬仔很有書卷氣。陳少霞說︰「感覺佢將神賜畀佢嘅氣質發揮得好好，無論工作定讀書，都全力以赴做到最好，佢做每一件事都唔係三分鐘熱度，非常難得。老朋友見面傾偈嘅感覺好難用言語表達，以前拍戲都無呢啲機會。」另一位嘉賓蘇施黃亦大讚馬仔說：「馬仔14歲就半工半讀，邊賣雪糕邊返學到中學畢業，呢種能耐同經驗非一般人有，佢鞭策自己一直向上爬，不停進修學習，先有今日大家熟悉嘅馬浚偉。」