黃翊回憶復出錄歌呻辛苦

黃翊前晚舉行直播音樂會，他透露早前獲邀參加IFPI「音樂永續」計劃，選擇翻唱容祖兒的歌曲《心淡》，所以他前晚在音樂會特別獻唱此曲。他說：「《心淡》原來已經有18年歷史，首歌好好聽，當年已經好鍾意，祖兒又靚女，一直記喺心入面！」

黃翊表示入錄音室錄製《心淡》時，令他回想起18年復出時的辛酸：「以前我錄歌，只需兩個鐘就錄一首，但2018年為咗演唱會再入錄音室錄發燒碟，當時好辛苦，因為監製要求好高，加上溝通又少，一首歌錄足兩日，每日錄四至五個鐘，真係聲嘶力竭，辛苦到驚咗。」他笑言汲取以往經驗，今次錄《心淡》前與監製好好溝通，結果錄音一小時便順利完成。

攝影︰林良明