呻無人追太Dry 菊梓喬畫靚眉求姻緣

三度蟬聯「最受歡迎女歌星」的菊梓喬（Hana），前晚在慈善騷獻唱，問有沒有被稱呼做「一姐」？她說：「無人叫我一姐，我唔係，唔想咁大壓力，我只想唱好自己嘅歌，平平凡凡順順利利一世就好。」Hana透露本來有劇拍，但公司以角色不適合為由替她推掉，她不禁可惜說：「我對角色無要求，淨係想有對手同感情綫！我想拍啲令我心跳嘅戲，咀戲都OK，我想有熒幕初吻，因為現實無機會。」

Hana直認無人追，又表示相士批她40歲後才有姻緣。她說：「不過相士話有得破陣，破釜沉舟，只要畫眉就有姻緣，以前我唔理條眉，依家就好執着眼眉，同埋戴金色首飾催運。」