慎重考慮生B 袁文傑聖誕做老襯

袁文傑與女友張潔蓮拍拖九年，早前入紙註冊，將於月底前拉埋天窗。快將升呢做人夫的袁文傑昨日宣傳《愛．回家之開心速遞》時，雖然未有公布正式婚期，但露口風暗示將在普天同慶的聖誕佳節娶老婆。

準新郎袁文傑昨日難掩興奮心情，並透露在本周內迎娶張潔蓮：「差唔多呢幾日啦，近啲大節日。其實未落實場地，只係想兩家人簡單做個見證。呢個時候無得邀請朋友觀禮，或者等明年疫情過咗，再搞party同朋友、同事慶祝。」

婚禮將近，但他表示心情不太緊張，因為早在兩年前已準備結婚，但因袁媽媽病逝才押後。他說：「我都喺媽咪靈位前交代咗喜訊，啲朋友話就快少咗隻無腳雀仔，不過我年紀唔細，都到適婚年齡好耐。」他特別感激未婚妻張潔蓮：「女朋友好好，一直肯等我，又願意喺儀式上簡單啲。（造人計劃？）我有慎重考慮過，如果要生就真係要快啲決定，如果無就由佢。」

呂慧儀滕麗名提名視后

同場的呂慧儀和滕麗名雙雙提名視后，不過阿滕笑言想贏「最受歡迎電視女角色」獎，視后留給呂慧儀，視帝則會投「老竇」劉丹。呂慧儀同樣會投票給丹爺，對於爭視后則以平常心看待：「今年唔得就下年，下年唔得再遲一年，最緊要大家開開心心，獎項只係其次。最慶幸係拍到呢部長壽劇，可以日日開工同大家見面。」

採訪︰Pauline

攝影︰林良明

編輯：李潔盈

美術：梁政敏