挑戰《食神》評判Look 鍾嘉欣額頭黐泥膠扮「家燕癦」

鍾嘉欣日前拍攝床上用品廣告，大玩突破挑戰喜劇細胞，模仿薛家燕在電影《食神》中的巴辣評審、蕭芳芳飾演的傻大姐林亞珍，以及溫柔嬌嗲的台灣女神林志玲，一次過演繹三個不同造型，讓嘉欣過足戲癮。

拍攝當日，鍾嘉欣穿上桃紅色格仔裙，架上尖角粗框眼鏡，額頭更貼上家燕姐招牌大癦，除了模仿家燕姐的表情、聲綫和小動作，又大跳《食神》中的浮誇舞蹈。嘉欣說︰「我同家燕媽媽曾經合作兩部劇集，好記得佢嘅說話方式，同埋佢有極high嘅energy，所以我扮佢嗰陣，差啲講到聲沙。因為我本身聲綫高音啲，要壓低把聲同用力啲。」

提到扮家燕的靈魂「招牌癦」，嘉欣即笑個不停：「化粧師喺我額頭上，黐泥膠扮家燕姐粒癦！我覺得好可愛，不過一邊跳舞一邊郁嗰陣，都有少少擔心粒癦會唔會飛甩，又要顧住眼鏡條珠鏈，真係好搞笑。」及後，嘉欣換上冬菇假髮及圓眼鏡扮林亞珍，她模仿林亞珍咬着香口膠快速講對白，相當維肖維妙。她笑說：「林亞珍講嘢好快，但快得嚟好睿智，嗰種懵懂好難扮，加上佢講嘢好倔，跟我平時講嘢鍾意加尾音完全唔同。」

用港普模仿林志玲

其後，嘉欣再換上波點長裙模仿台灣女神林志玲，她更自創半鹹半淡的港普說話方式，推介不會失眠的「小秘密」，嘉欣說︰「開頭以為扮志玲姐姐好簡單，雖然她講嘢聲調好嬌柔，但慢得嚟又節奏分明，係一個好大挑戰。」

撰文︰倪小珊

編輯︰李潔盈

美術︰梁政敏