旗下餐廳疑多人食物中毒 黃婉曼致電不適食客道歉

黃婉曼近年積極在餐飲界發展，不過她在將軍澳開設的餐廳，本月初發生懷疑食物中毒事件，有七名食客不適。黃婉曼昨日出席前女子組合Freeze成員陳樂榣（Ally）的珠寶店開幕時，表示已向食客致歉，雖然事件對生意未有太大影響，但限聚令卻令生意大減四成。

黃婉曼、陳潔玲及黎燕珊等昨日出席陳樂榣的珠寶店開幕，黃婉曼對於餐廳七名食客懷疑食炒蛋及鬆餅後不適，她事發後立即停止供應蛋類食物，亦親自致電不適的客人道歉：「佢哋個個都係熟客，反而仲安慰番我轉頭，話對我有信心。我亦安排全公司20幾位員工做（新冠肺炎）檢測，全部都非常健康。」她表示事件對生意影響不大：「不過二人限聚令就令生意跌咗四成，好彩外賣仲做得住，我聖誕節都會叫自己餐廳外賣。」

陳樂榣投資過百萬，在疫市下擴充珠寶店門市，她搞笑說：「我將囡囡嘅嫁粧都投資埋落去，所以個女都算係舖頭股東。」她笑指女兒雖然只得五歲半，但已懂得招呼客人：「囡囡會叫人消毒，仲識拎塊鏡畀客人，希望生意發大啲，將來都係由囡囡繼承。」她又笑指女兒不想有弟妹：「佢唔畀我生多個，見我肚凸都一拳打落嚟話『唔要』。」

陳潔玲盼與鍾舒漫和解

另外，同場的陳潔玲與男友Victor結伴出席，陳潔玲與鍾舒漫（Sherman）最近有生意糾紛，有指Sherman欲向陳潔玲取回本金四萬元不果，於是入稟小額錢債審裁處，案件在下周二開庭。陳潔玲表示心情未受影響：「到時雙方會傾下協調下，睇下有無解決方案，我傾向解決件事，所以都提出咗方案，睇對方同唔同意。」但提到Sherman妹妹鍾舒祺代姊出頭，陳潔玲即十分勞氣，直指鍾舒祺曾來電用粗口罵她一小時。

採訪︰Pauline

編輯：李潔盈

美術：梁政敏