炮製驚喜生日P 林盛斌冧妻：多功能老婆

林盛斌（Bob）的太太黃乙頤（Pearl）前日牛一，Bob日前在家中連同四個仔女及多位親友，大搞驚喜生日派對，總數超過20人。Bob在IG分享派對相片及片段，只見Pearl回家時，一開門便看見大班親友，仔女更衝上前爭住抱抱媽咪，令她甚為感動，陸永亦在場祝賀。

穿上白底衫睡褲家居look的Bob，亦識做地與老婆咀嘴，他留言說：「上年你玩我，噚晚到我玩你。叫咗一班你嘅朋友surprise你，希望你生日快樂，開開心心！」Bob又大曬一家六口溫馨合照，公開留言冧妻：「過去呢十幾年，辛苦妳嘞，跟住嗰幾十年，都係辛苦妳嘞！超級多功能老婆，生日快樂。」