明日結婚 何雁詩讚鄭俊弘心地好嫁得過

鄭俊弘（Fred）與何雁詩（Stephanie）明日舉行婚禮，準新娘何雁詩心情開始緊張，雖然籌備婚禮期間一度有阻滯，幸好最後圓滿解決。何雁詩力讚老公仔心地善良「攞滿分」，絕對嫁得過。

鄭俊弘與何雁詩明日舉行婚禮，準新娘老友陳瀅、蔡思貝、陳嘉寶、賴慰玲及吳嘉熙更組成索爆姊妹團。雖然一對準新人婚前突被原定的婚禮場地「開天殺價」，幸好轉場成功，明日改到沙田凱悅酒店行禮。何雁詩日前接受網媒訪問，大談待嫁心情，笑言仍有婚禮細節未落實：「我最想係瘦多啲啲，以最fit狀態出場，搞到好似做騷咁，其實爸爸拖住我入場首背景音樂都仲未揀！」鬼馬的她笑言最期待婚禮的after party：「食完飯之後可以盡情飲酒，因為婚前我好節制，好想大飲大食，希望大家過一個難忘嘅婚禮。」

何雁詩更大讚鄭俊弘是滿分老公：「以籌備婚禮嘅隊友嚟講，我真係要畀十分佢！我哋都好隨意，好多細節都無所謂，最緊要屋企人開心。不過我哋都因為婚禮而有摩擦，例如揀場地，我家人想大搞，佢就想簡單啲，依家因為疫情（規模）縮細咗，下年再補擺酒，咁就兩全其美。」

最冧老公歌聲

訪問期間，何雁詩即席唱鄭俊弘歌曲《投降吧》，她自爆一見對方唱歌便「心心眼」：「佢心地好好、好細心，令我覺得嫁得過！佢每朝都會斟杯水畀我，好關心我。佢唱歌好好聽，但佢唔會刻意唱畀我聽，都係平時睇騷或者練歌先聽到。」

撰文︰Pauline

編輯：李潔盈

美術：梁政敏