扮不羈醫生 陳豪奉旨被女圍

陳豪在新劇《白色強人II》中扮急症室醫生，他昨日與唐詩詠一同受訪，提到新劇由三位視帝配兩位視后，會否擔心分薄戲份？陳豪即說：「我新加入，唔關我事！」詩詠搞笑說：「啲手術戲、粗重嘢交晒畀陳豪，我哋就多啲時間休息。」陳豪在劇中性格風流不羈，拍攝時奉旨被靚女圍住，他笑說：「我不羈啫，但唔係浪子，劇情講我入呢間醫院，都係想追舊愛張曦雯。監製請我『食』嘅，我又點可以唔『食』，都會有啲火花嘅。」

至於詩詠在上輯結局與馬明復合，但今輯卻殺出情敵胡定欣。詩詠說：「我同馬明有個心結未解開，珍姐（曾勵珍）同張曦雯睇咗劇本都話我呢段好sad，會睇到喊，我唔敢睇。」她透露今次亦會交代上輯李佳芯的去向。

攝影：林良明