回帶遭前度家暴視養子為真愛 張慧儀︰我呢世咪衰喺靚仔手上囉

49歲的張慧儀近日為ViuTV話題節目《吃掉前男友》任壓軸嘉賓，除了大談過往的情傷，又坦言擇偶時會先考慮16歲養子Hanson的感受，慧儀更稱︰「真愛並不局限男女之間，好似我同個仔，真愛係可以超越血緣、國籍！」

90年代憑處境劇《真情》彩瑤一角走紅、華姐出身的張慧儀，02年戀上「拉丁舞王」霍紹裘，二人打得火熱，更達談婚論嫁階段，豈料03年女方發現男友移情別戀，雙方爆發衝突，慧儀被家暴入院，其後召開記者會控訴，轟動娛樂圈。事後霍紹裘涉嫌傷人被捕，最後因證據不足而撤銷起訴。兩人亦分手收場。

相隔近20年，慧儀在今、明兩晚於ViuTV的《吃掉前男友》節目中重提舊事，回帶當年遇渣男的悲慘教訓，她坦言︰「曾經有一段好失敗嘅感情，天真地以為會結婚，宣布消息後才發覺對方並唔可以付託終身，結果我哋由討論變家暴！」

願為Hanson棄桃花

她又與張惠雅、莊韻澄等主持分享自己遭遇情傷後心態的改變，下決心赴北京從商。慧儀在當地更遇上養子Hanson，她說︰「我在當地零朋友，去咗做義工幫小朋友，遇到我個仔（Hanson），好得意！（佢好靚仔？）我呢世咪衰喺靚仔手上囉！佢走到我嘅方向嗌媽媽，一下觸動我，要抱佢返屋企！」

慧儀又大談何謂真愛︰「我係最好例子，要將角度放大，真愛並不局限男女之間，好似我同個仔，真愛係可以超越血緣、國籍！」問到單身與拍拖之間，張慧儀揚言會以養子的感受為先︰「如果對象係會令我同Hanson嘅關係變得生疏或尷尬，我寧願選擇單身。」

撰文︰Steven

編輯︰黃寶恩

美術︰Simon