林師傑恨生女︰無停過造人

林師傑今年回復自由身，已轉型為獨立音樂人的他，日前接受香港開電視訪問。林師傑自爆恨女恨到發燒︰「我好想生個女呀，想咗幾年啦！之前傳過兩次我太太（歐陽巧瑩）懷孕，但都仲未生到，哈哈！造人方面一直計劃緊，個計劃從來無停過！不過工作上樣樣嘢要一腳踢，的確少咗時間陪太太。」

林師傑早前推出新歌《尊悲不分》，雖然歌曲五年前寫好，記錄當時的無力感，但沒機會推出︰「我曾經將首歌畀舊公司聽，但原來我要起碼寫200首歌，先可能被揀中一首！」不過他笑言在舊公司也有開心回憶，他自嘲半紅不黑，但結婚擺酒仍獲大班幕前幕後同事賞面出席。