洪永城參考袁偉豪求婚招數

洪永城昨日一身露營look出席海洋公園活動，最近他經常陪女友梁諾妍（Inez）跑步，計劃明年情侶檔參加馬拉松：「女友叫我一齊參加，梗係啦，去到現場有個人幫佢影下相嘛，不過佢成日嫌我跑得慢過阿伯，差啲企喺度兜巴摑我㗎啦！」

提到好友袁偉豪自爆去年向張寶兒求婚成功，洪永城表示從社交網及報道才得知消息，又笑言袁偉豪與女友做運動時求婚的方法值得參考：「人生馬拉松真係幾難，我依家都搞緊。」有網民取笑袁偉豪「食軟飯」，洪永城力撑老友：「佢本身係好努力嘅人，值得有今時今日嘅成就。」

採訪︰Pauline