衛詩雅做電影策劃學識慳錢

衛詩雅（Michelle）早前為花香蜂蜜水擔任代言人，原來Michelle一直有自製蜂蜜水的習慣，又透露每日最少飲八杯水，而早上起床時必定先飲一大杯水，感覺像把整晚積聚在身體內的廢物沖走。她表示工作時飲水量比平日更多：「我發現飲得多水，皮膚狀態好好多，亦容易上粧。」

另外，Michelle剛拍完新戲，預計在明年賀歲檔期上畫。她說：「呢部喜劇係我第一次有份做策劃，所以非常緊張。」她表示做電影策劃，才明白各個崗位的難處：「以前做演員，我淨係諗演員情緒最重要，覺得想先拍笑戲再拍喊戲；做策劃後，明白要考慮到遷就場景，拍晒呢個景嘅戲先，就唔使再走多次場景，亦慳好多錢，我變成咗一個識計數嘅人，亦會顧慮多啲唔同崗位嘅感受。」