信和透過黃廷方慈善基金支援社區

新冠肺炎疫情已經持續超過大半年，基層市民尤其受苦，黛安知道，唔少團體同大企業都好有心，好似信和集團就透過黃廷方慈善基金全力支援社區，除咗向基層人士及家庭，以及少數族裔捐贈白米等物資，仲向社區廚房樂廚坊捐出食材同醬料等，製作咗約4萬份營養飯餐送畀有需要人士。

黃廷方慈善基金今次係透過6個社區夥伴，向基層人士作出捐贈。另外，公關姊妹仲話，信和集團最近亦第2度向員工派發約1萬份抗疫健康包。信和集團副主席暨黃廷方慈善基金董事黃永光同黛安分享，佢話新一波疫情為歷來最嚴峻考驗之一，希望向各同事致以衷心感謝，亦好多謝各個合作夥伴大力幫忙，相信大家守望相助，一定能跨越挑戰。